粤语精彩对白

《我的最爱》里面阿宝去财务公司借钱的对白，个人觉得很搞笑，希望你喜欢O(∩_∩)O~

　　-----「小姐你好,我喺哩度嘅客户服务顾问蓝威宝,有咩可以帮到你呢,请你跟我过来哩边啦」(笑~)
　　-----「我想问哩度喺咪可以借钱吖?」
　　-----「well,我哋呢度卖云吞面咖~痴线噶你,鸡乸咁大只字你睇唔到咖咩?白撞噶你?走走走走走」
　　-----「唔喺吖,我真喺想嚟借钱咖」
　　-----「借钱喺嘛,借几多吖?」
　　-----「十万蚊」
　　-----「十万喺嘛...
　　有冇带税单粮单租单水费单电费单煤气单IDD单网上行单手提电话单入职证明住户证明回乡证或身份证副本 %^&*$%!#$%....」 （神婆上身咁款）
　　-----「有,带嗮嚟」
　　-----「Good girl,你嘅借贷行动真喺好sincere啵」
　　-----「喺吖,我真喺好需要呢笔钱咖」
　　-----「借十皮嘢嚟做咩吖?」
　　-----「乜要讲咖」
　　-----「梗喺要啦,如果俾你借十皮嘢走咗去lum友吖,借头借路去咗金三角嗰边一个屈尾十翻翻嚟做咗门徒嘅话,我哋喺帮凶嚟咖,俾差佬捉到点算吖?讲咩好吖?
　　I’m culprit,I’m culprit,I’m culprit,I’m culprit,I’m culprit吖? er!咵咵咖..」
　　-----「真喺要讲吖?」
　　-----「唔讲都得,俾我估下啰」
　　-----「你估唔到噶」
　　-----「呵呵,试下又唔痛嘅..
　　老豆借大耳窿冇钱还?(ling头)
　　细佬亏空公款要填tum?(继续ling)
　　一定喺细妹购物狂辘爆卡俾人追数?(狂ling)
　　借钱龙虎榜头三位都唔喺嘅,冇理由嗰喔,究竟喺咩究竟喺咩究竟喺咩...
　　冇讲冇讲等我谂下谂下我自己估自己估」
　　-----「我要黎报仇,我等住哩十万蚊嚟报仇」
　　-----「哈哈哈哈哈哈哈哈哈哈哈哈呵呵呵呵呵哈哈....You make me..laugh!............讲嚟听下」
　　-----「我早几日撞到个老千,佢话收咗我十万蚊,可以呃翻抢我男朋友嗰个女人」
　　-----「原来喺咁吖?!」
　　-----「你都觉得抵呢?」
　　-----「有冇报警吖?」
　　-----「差人可以帮我报仇咩?」
　　-----「叫啲差佬拉翻个老千吖?」
　　-----「乜你哋个个都觉得我有问题咖?」
　　-----「你冇问题嘅,你好Q添,你好蠢吖,你好Q蠢吖!警讯都讲过几廿万次啦,仲俾人呃,er,咵咵..」
　　-----「咁如果佢真喺冇呃我呢?如果佢真喺可以帮到我呃个女人呢?」
　　-----「well,he is a 老千,an old thousand,you know?」
　　-----「但佢收我钱帮我呃人喔」
　　-----「哩一笔贷款呢我哋喺唔会批咖,I’m sorry」
　　-----「唔该你借俾我吖」
　　-----「I am really sorry」
　　-----「你有冇试过失恋吖?你有冇试过俾你最好嘅朋友抢走你男朋友吖?
　　佢有心咖,佢第一日嚟我铺头,就想连人带铺抢走嗮我.
　　佢讲得啱吖,呢个世界冇人信得过咖,最靠得住嘅都喺自己.
　　喺我太信琪琪,喺我太信我男朋友吖!喺我亲手将佢送上的士咖,喺我亲手将佢送俾琪琪咖!
　　哩张生日卡,自从我同佢分开咗之后,我每一日都带住喺身,喺我同阿俊第一年嘅时候,佢送俾我嘅生日卡嚟咖.
　　我同佢分咗手之后,我每一日都打开佢,佢同我讲,我喺佢嘅
　　我的最爱.
　　但原来最诚实嘅说话,喺最虚伪嘅大话嚟咖.
　　佢嘅我的最爱根本就唔喺我,我就好似个电脑一样,我的最爱永远都有好多,中意嘅就keep,唔中意嘅就delete.
　　就算我真喺俾人呃,我都唔会后悔咖.就当赌一铺,我都会输得心甘命抵!」
　　-----「准时还钱喇」
　　-----「多谢你吖」
　　-----「不过规矩还规矩,理由嗰度呢,都喺填翻老豆亏空公款啦,如果唔喺我好难做」(笑~)